Cafodd ei gyhoeddi ar y rhaglen gylchgrawn Heno neithiwr y bydd cystadleuaeth yn cael ei chynnal ledled Cymru gyfan i ddylunio label ar gyfer gwin o Batagonia, a fydd yn cael ei werthu yma yng Nghymru i gefnogi’r iaith Gymraeg yn y Wladfa. Mae Gwynt y Paith yn win o’r math Malbec, ac yn cael ei gynhyrchu yng ngwinllan Malma yn nhalaith Neuquen yng ngogledd Patagonia.
Bydd Gwynt y Paith ar gael i’w brynu gan y manwerthwyr Hispa Merchants, cwmni o Lundain sy’n arbenigo mewn mewnforio gwinoedd o’r Ariannin, ynghyd a rhannau eraill o Dde America a Sbaen. Bydd y gwin hefyd yn cael ei werthu gan gynrychiolwyr y cwmni yng Nghymru, ac fe fydd hefyd ar gael ar archeb ledled Prydain.
Mae’r enw Gwynt y Paith yn dathlu pwysigrwydd y gwynt, nid yn unig yn hanes y winllan, ond hefyd yn hanes y gwladfawyr cyntaf o Gymru.
Mae gwyntoedd sych y Wladfa yn golygu bod y grawnwin yn llai tebygol o ddioddef o ffwng neu o ymosodiadau gan drychfilod. O ganlyniad mae’r gwinwydd yn naturiol iach, sy’n golygu bod y driniaeth y maent yn ei dderbyn o fewn y dosbarthiad ar gyfer gwinoedd organig. Mae’r gwynt hefyd yn caledu croen y grawnwin, sy’n arwain at flasau a lliwiau dyfnach a chryfach.
Roedd y gwynt hefyd yn gyfrifol am gludo’r Cymry cyntaf i’r Wladfa mewn llongau hwylio – yr enwocaf o’r rhain oedd y  Mimosa, a laniodd yn y Wladfa yn 1865.
Cafodd y Paith, sef  y diffeithdir enfawr yng Nghanol Patagonia, ei ddofi gan y Cymry cyntaf gyda ffosydd a chamlesi sydd dal yn cael eu defnyddio heddiw i ddyfrhau fferm diroedd y Wladfa. Mae gwinllan Malma, ble gynhyrchir gwin Gwynt y Paith, hefyd yn defnyddio'r un dulliau i ddyfrhau eu gwinwydd.
Mae dosbarthwyr y gwin wedi cytuno i roi £2 o bob potel a werthwyd i Ysgol y Cwm (www.ysgolycwm.com) yn Nhrevelin, ac fe fydd yr arian yn cael ei ddefnyddio i hybu a chefnogi’r diwylliant a’r  iaith Gymraeg yn y Wladfa.
Bydd y label, sy’n mesur 6cm o led ac 11cm o hyd, yn cynnwys testun yn Gymraeg ynghyd a delweddau sy’n atgyfnerthu a phwysleisio’r themâu uchod. Bydd hefyd angen dehongliad byr Saesneg o’r testun.
Bydd y beirniaid yn ystyried cyfres o labeli gan artistiaid Cymreig, yn yr un modd ac yr oedd artistiaid yn arfer dylunio labeli ar gyfer gwinoedd blynyddol Chateau Mouton Rothschild, ger Bordeaux yn Ffrainc.
Mae’r gystadleuaeth ar agor tan y 30ain o Fehefin, ac fe fydd yr enillydd yn cael ei gyhoeddi ar yr 28ain o Orffennaf 2019, sef Gŵyl y Glaniad, pan fydd y Wladfa yn dathlu 154 o flynyddoedd ers cyrhaeddiad y Cymry cyntaf.
Bydd cist o win Gwynt y Paith yn cael ei roi fel gwobr i’r dylunydd buddugol, ac fe fydd enw’r darlunydd hefyd yn cael ei argraffu ar y label.

Rheolau'r Gystadleuaeth


Rhaid bod dros 18 oed i gystadlu

 
Dyddiad cau y gystadleuaeth yw 30 Mehefin 2019
 
Fe fydd yr unigolyn llwyddiannus yn aseinio hawlfraint y cynllun buddugol i Bodega Malma ar gyfer y pwrpas o hyrwyddo, a'i ddefnyddio ar boteli gwin, "Gwynt y Paith". Fe fydd yr unigolyn llwyddiannus hefyd yn gwarantu fod y cynllun yn un gwreiddiol a ddim yn tarfu ar hawlfraint unrhyw drydydd-parti.
 
Dylid anfon cynlluniau i'r gystadleuaeth i [email protected] gyda'r teitl 'Cystadleuaeth Dylunio Label ar gyfer potel win "Gwynt y Paith"'. Fe fydd y cynlluniau yn cael eu trosglwyddo i'r beirniaid erbyn y dyddiad cau

Am ragor o wybodaeth, cysylltwch â [email protected]

It has been announced by S4C on their Heno program that a national competition will be launched in Wales to design the label for a new Patagonian wine to be sold in Wales to support the teaching of the Welsh language in Patagonia. The wine, named Gwynt y Paith, is a Patagonian Malbec from the Malma vineyard.
 
It will be available from the main importers, Hispa Merchants in London, as well as their representatives in Wales. The wine will be available for delivery throughout Great Britain.
 
The name has been chosen to celebrate the importance of the wind in both the history of the vineyard, as well as the history of the early Welsh settlers in Patagonia.
 
The dry wind in Patagonia makes the grapes less prone to fungal infection and insect attack, making the vines naturally healthy and meaning that any treatment they receive is well within the classification for organically grown vines.  In addition, the grapes react to the wind by growing thicker skin, which results in richer and more powerful flavours and colours.
 
The wind, of course, was responsible for bringing all the early Welsh settlers to Patagonia in sailing ships, the first of which was the clipper Mimosa in 1865.
 
The Paith, as the desert plain in the centre of Patagonia was known to the Welsh, was originally tamed by the Welsh using their unique irrigation system, still in use today, and a similar system of using river water for irrigation in Patagonia's dry climate, is also used by the Malma Vineyard.
 
The distributors of the wine have agreed that they will donate £2 for each bottle sold in the UK to Ysgol y Cwm (www.ysgolycwm.com) in Trevelin in Patagonia to be used in conjunction with the teaching of the Welsh language and promoting Welsh culture in Patagonia.
 
The label, measuring 6 cm wide by 11 cm deep, will contain text in Welsh and imagery which reinforce all the above points. A limited English interpretation of the text will be necessary.
 
The judges will give consideration to a series of labels by Welsh artists representing some or all of the above points, in the same way as artists produced illustrations for use on annual vintages of Chateau Mouton Rothschild. 
 
The competition will be open until 30 June and the decision will be announced on 28 July 2019, the 154th anniversary of the arrival of the first Welsh settlers in Patagonia.
 
The prize will be a case of wine, as well as the artist's name on the label.

Competition Rules

Entrants must be over 18 to compete

The closing date for the competition is 30 June 2019

The successful individual will grant Bodega Malma copyright over the winning design for the purpose of promotion, and for its use on the 'Gwynt y Paith' bottles.

The successful individual must also guarantee that the scheme is original and does not interfere with any third party copyright.

Designs should be sent to [email protected]  with the title 'Label Design Competition for Gwynt y Paith Wine'. The plans will then be passed on to the judges by the closing date.
 
For more information, contact [email protected].